تجربة الشراء من موقع Next والشحن للسعودية 🛍

قبل فترة سمعت من كم وحدة من أقاربي إن موقع Next يشحن للسعودية وأسعار الملابس بالموقع أرخص من المحل !! 😳

ما صدقت لين تأكدت بنفسي وطلعت فعلاً الأسعار أرخص من المحل بفرق كبييير 😧
وقررت أطلب منه للعيد ولأن واثقة بجودة ملابسهم وأشارككم التجربة وطريقة الشراء 💗

الموقع يشحن لكل دول الخليج ومصر/ليبيا/لبنان .. ودول كثير بالعالم
الشحن مجاني للسعودية إذا تعدت قيمة الطلب 180 ريال .. مدة الشحن 4/5 أيام

ندخل للموقع : من هنا

و تقدرين تغيرين الدولة ولغة الموقع للعربية :

تغيير الواجهة واللغة.png

بعد ما نختار المنتجات اللي نبيها نضغط على Checkout / السداد

بتظهر لنا هالشاشة و بنسجل حساب جديد ..

التسجيل 1.png

نحط البيانات الشخصية المطلوبة بالانقليزي طبعاً ..

التسجيل 2.png

وهنا نضيف بيانات الشحن وكلمة السر بالأسفل :

التسجيل 4.png

أخيراً نضغط Continue / استمرار ..

التسجيل 5.png

صار عندنا حساب جديد .. والحين الدفع .. نضغط مرة ثانية Checkout / السداد

التسجيل 6.png

نختار وسيلة الدفع اللي عندنا .. فيزا / ماستر كارد / اميركان اكسبرس 💳
ثم نضغط Continue / استمرار

* الموقع ما يقبل الدفع عند الاستلام

الدفع 1

نضيف بيانات البطاقة المطلوبة 💳 ..
رمز الأمان أو CVV Code هو 3 أرقام موجودة في ظهر البطاقة مثل ماهم موضحين لكم

بعد اضافة البيانات نضغط Confirm and Pay Now / الدفع ..

الدفع 2.png

بتظهر لنا هالصفحة وكذا خلصنا وتم الطلب 😍 ..

فاتورة الطلب.png

بنفس اليوم وصلني ايميل برقم التتبع
انشحنت الطلبية من لندن على أرامكس بيوم 20 يونيو .. ووصلت يوم 23 يونيو ..
* الويكند ممكن يزيد مدة الشحن 

IMG_1637.JPG

هذي الشحنة وصلت بشكل سليم .. وكل قطعة كانت مغلفة لحالها 💗

أتمنى إن التدوينة تفيد أي شخص بيطلب من موقع Next

شكراً لدعمكم المتواصل لي .. وأقدّر كل تعليق ينكتب على تدويناتي

ألقاكم بتدوينة ثانية 💗

5 Replies to “تجربة الشراء من موقع Next والشحن للسعودية 🛍”

  1. ما شاء الله تبارك الله!
    وقت التوصيل قصير جدًا، لكن هل واجهت أي مشاكل مع الشحنة؟ خصوصًا مع كثرة الطلبات عند اقتراب العيد وفوضى مراكز الشحن؟

    وما شاء الله تبارك الله شرحك واضح ووافي، جزيت خيرًا يارب ❤️

    1. ايه استغربت من السرعه بالشحن
      طلبت بعده مره ثانيه وما وصلني لسا .. التأخير من أرامكس الرياض 😅
      طبعاً تقدرين تستلمين شحنتك بنفسك ويكون اسرع من توصيلها للبيت💛

      شكراً لك .. وآمين يارب وياك حبيبتي 💛💛

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *