Youtube Made Me Buy It #2 : Nivea after shave balm / Review

أهلاً بالجميع 💛

تدوينة اليوم هي الثانية في سلسلة ” Youube made me buy it – اشتريته بسبب يوتيوب “
التدوينة الأولى كانت عن بودرة RCMA البديل الأرخص لبودرة لورا مارسييه 

وبتكلم عن بلسم نيفيا مابعد الحلاقة للرجال.. ايه منتج مابعد الحلاقة للرجال 🙂
الضجّة بدأت ابريل 2015 لما Nikkietutorials قالت انها استخدمته مره من باب التجربة كبرايمر قبل الفاونديشن

520.png

وتفاجأت إنه الفاونديشن صار شكله أفضل وما تلاشى بسرعة ..
وطلع ان أهم مكوّن في البلسم هو الجلسرين واللي يخلي أي شيء ينحط فوقه يلصق ..
بمعنى ان الفاونديشن لما ينحط فوقه بيثبت طول اليوم!

بعدها يوتيوبرز كثير جربوه وحبوه كثير … هنا بتلاقون تجاربهم

طبعاً أهم انسانة عندي KathleenLights لما هي جربته وقالت انه رهيب قررت أشتريه 💗

IMG_1836

اشتريته من أمازون سعره كان 9.12$ – 40 ريال تقريباً

صفحة المنتج في أمازون

IMG_1833.JPG

بعد ما وصلني المنتج جربته أكثر من مرة عشان أعطي رأيي فيه بصدق

جربته مره على كامل وجهي وجربته مره ثانيه على نص وجهي والنص الثاني بدون الكريم

IMG_1834.JPG

– تقييمي له 8/10 ..

فعلاً صار وجهي ناعم والميك آب طوّل على بشرتي بدون ما يتلاشى ..

يعني أطلع بالجو الحار وأنا حاطة ميك آب لما أرجع البيت باقي ألقى البلشر والبرونزر ثابتين
مو مثل العادة بعد كم ساعه يروح الميك آب كأن ماحطيت شي

لكن بالنسبة لتقليل مظهر المسامات ما حسّيته يأثر كثير .. المسامات باقي واضحة

العيوب الوحيدة فيه:

الريحه .. الريحه .. الريحه ..

ريحته كأنه عطر رجالي رخيص يسبب لي صداع لكن الريحه تختفي بعد 5 أو 10 دقايق

شكل فتحة المنتج ..

مهما حاولت أحط شوي بيدي لازم ينكب كثير لأن الفتحه كبيره مره وهو سائل جداً !!
بالصورة تحت وضّحت شكل الفتحة ..

IMG_1835.JPG

لقيته في كارفور وبنده/هايبر بنده/ التميمي بنص السعر 😩 ..
النوع اللي أخذته من أمازون هو للبشرة الحساسة
+ مكتوب عليه “Balm – بلسم” مو “Fluid – سائل” 

عاد تمنيت لو دوّرت عليه هنا قبل آخذه من أمازون 😂😩

وش رايكم بالبلسم ؟ هل رح تجربونه أو فكرة إنه للرجال تخلّيكم تبطلون ؟
شاركوني آرائكم بالتعليقات 🤓

ألقاكم بتدوينة ثانية بإذن الله 💗

4 Replies to “Youtube Made Me Buy It #2 : Nivea after shave balm / Review”

  1. نور تدرين تحمست اجربه ! لكن الريحة ! اتخيل نفسي اسلم على وحدة و ربحتي رجالية *.*
    ..كاثلين من اليوتيوبرز المفضلين عندي *.*
    بس حلوة تجربتك *.*حبيت السلسلة 🙂 جميلة مدونتك يا نور استمري و يعطيك العافية عالمواضيع الجميلة استمتعت بالمدونة كثير 🙂
    بانتظار جديدك

    1. لا ابداً لا تخافي بعد ١٠ دقايق بالكثير تختفي الريحه 😂
      مين مايحب كاثلين 😍💜

      حبيبتي يا أريج الله يسعدك ويعافيك يارب 🙈
      تسلمي حبيبي 💜💜

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *